Рекламный баннер 990x90px bantop
Ҡуштау ваҡиғаларына 4 йыл да булып киткән . Кешенең кешелеклеге ауырлыҡ килгәндә һынала .Күптәр , үкенескә , еңел юлды һайлай . Араларында яңылышҡандары ла бар
13:31 19.08.2024 16+
Ҡуштау ваҡиғаларына 4 йыл да булып киткән . Кешенең кешелеклеге ауырлыҡ килгәндә һынала .Күптәр , үкенескә , еңел юлды һайлай . Араларында яңылышҡандары ла бар , әлбиттә . Сөнки үҙ фекерҙәре булмағандарҙың мейеһен йыуып тороусы пропаганда аппараты туҡтауһыҙ эшләй .
Кисә халыҡтың тап ошо һынылыш мәлендә аҡтарға һәм ҡараларға бүленеүе тураһында яҙып үттем ...
Минең шул мәлдә тыуған шиғырҙарым күңелем торошон асыҡтан асыҡ һөйләй .
Мәрхүм Айрат ағай Ҡобағошовтың да Ҡуштауға үҙ фекере , әйтер һүҙе бар ине . Оҙаҡ ҡына яҙыштыҡ . Минең шиғырымды көйгә лә һалғайны .Һуңғы ижади эше булыуы ла ихтимал .
Сөнки Ҡуштау - ул бер ҡалҡыулыҡ ҡына түгел шул .
ҠУШТАУ .
Кемгә нимә ! Минең өсөн
Ҡуштау - билдә .
Истәк илен һаҡлап тора
Уҫал елдә .
Атай менән әсәй бит ул !
Шуға ла ҡуш .
Хозурлығы ғына ҡандай !
Юғала һуш .
Иҙел һылыу ярҙарына
Нағыш һалған .
Был икәүҙең һөйөүенән
Һағыш ҡалған .
Күбәләктәр , йырсы ҡоштар
Нигеҙ иткән .
Ә булмышы серле тауҙың
Диңгеҙ икән .
Шунда тыуған Урал батыр
Һәм Шүлгәндәр .
Һомай ҡошто тап ошонда
Йыш күргәндәр .
Бына шулай серле төбәк
Бөйөк Ҡуштау .
Тик хаиндар әҙерләйҙәр
Һабын , сүс бау .
Ҡысҡыралар ; " Ҡотҡарығыҙ
Торатауҙы !
Олигархҡа ҡорбан булыр
Ҡушы тауҙың .
Тыныс донья көтһөн өсөн
Урал халҡы .
Зарур булыр алдан бирһәк
Мәһәр , хаҡын ."
Ниндәй хаҡ ул ? Ғүмер бөтмәҫ
Оброк , налог .
Башын эйеп уйға бата
Ябай халыҡ .
Аҫабалыҡ ерем ҡайҙа ?
Мин бит хужа !
Ниндәй бөтмәҫ зәхмәт булды
Илдә нужа .
Бөгөн Ҡуштауҙы һорайҙар .
Тауҙар күп тә .
Күп тә ,
Сүп тә . Үп тә ...
Ә мин бөгөн йоҙроҡ төйҙөм .
Төйҙөм фекер .
Фекерҙәрем ябай түгел ,
Улар ЗЕКЕР .
Ҡулдар - ҡулда .Йөрәктәрҙә
Асылыбыҙ .
Ер кендеге ишектәре ,
Асылығыҙ !
Йәнем менән , тәнем менән
Һиҙәм уфтау .
Миңә өмөт менән баға
Ғорур Ҡуштау !
Олпат баҫып , ашыҡмайса
Һуҙам әләм .
Тик ҡулымда ҡылыс түгел ,
Ябай ҡәләм .
Алаһу әкбәр !
Сыҡмай торсо ясин , мулла !
Беҙҙең әләм , күр , елберҙәй !
Ҡулдар - ҡулда !
БЕРҘӘМЛЕК .
Берҙәмлекте мин бер тауҙа күрҙем .
Ташҡын ине , ярһыу яҙ төҫлө .
Әйтерһең дә , Туфан һыуы ҡалҡҡан .
Ер һелкенә , тойоп шул көстө.
Бергә тибә йөрәк . Беҙ - бер йоҙроҡ .
Беҙҙе туҡтатырлыҡ көстәр юҡ !
Бергә саҡта , беҙ - иң үткер ҡылыс .
Бергә саҡта , беҙ - иң хәтәр уҡ !
Ошо көстө тойған , башын эймәҫ .
Ошо көстө тойған , теҙләнмәҫ .
Терһәктәшен ҡурсып , күкрәк ҡуйыр ,
Артҡа сигер юлдар эҙләмәҫ .
Берҙәмлекте бына шунда күрҙем .
Хәҙер инде үҙем мин түгел .
Йәнем атлай алғы һыҙыҡтарҙа .
Ҡурсып тора барлыҡ ил күген .
Фани доньяларҙа эшем бөткәс ,
Үтер күперҙәрем булыр ҡыл .
Шул сағында Ҡуштау һүҙен әйтер :
Әйҙә үтһен . Минең улым был .
Әйҙә үтһен . Минең ҡыҙым был .
Н. Һаҡмаров .
Кисә халыҡтың тап ошо һынылыш мәлендә аҡтарға һәм ҡараларға бүленеүе тураһында яҙып үттем ...
Минең шул мәлдә тыуған шиғырҙарым күңелем торошон асыҡтан асыҡ һөйләй .
Мәрхүм Айрат ағай Ҡобағошовтың да Ҡуштауға үҙ фекере , әйтер һүҙе бар ине . Оҙаҡ ҡына яҙыштыҡ . Минең шиғырымды көйгә лә һалғайны .Һуңғы ижади эше булыуы ла ихтимал .
Сөнки Ҡуштау - ул бер ҡалҡыулыҡ ҡына түгел шул .
ҠУШТАУ .
Кемгә нимә ! Минең өсөн
Ҡуштау - билдә .
Истәк илен һаҡлап тора
Уҫал елдә .
Атай менән әсәй бит ул !
Шуға ла ҡуш .
Хозурлығы ғына ҡандай !
Юғала һуш .
Иҙел һылыу ярҙарына
Нағыш һалған .
Был икәүҙең һөйөүенән
Һағыш ҡалған .
Күбәләктәр , йырсы ҡоштар
Нигеҙ иткән .
Ә булмышы серле тауҙың
Диңгеҙ икән .
Шунда тыуған Урал батыр
Һәм Шүлгәндәр .
Һомай ҡошто тап ошонда
Йыш күргәндәр .
Бына шулай серле төбәк
Бөйөк Ҡуштау .
Тик хаиндар әҙерләйҙәр
Һабын , сүс бау .
Ҡысҡыралар ; " Ҡотҡарығыҙ
Торатауҙы !
Олигархҡа ҡорбан булыр
Ҡушы тауҙың .
Тыныс донья көтһөн өсөн
Урал халҡы .
Зарур булыр алдан бирһәк
Мәһәр , хаҡын ."
Ниндәй хаҡ ул ? Ғүмер бөтмәҫ
Оброк , налог .
Башын эйеп уйға бата
Ябай халыҡ .
Аҫабалыҡ ерем ҡайҙа ?
Мин бит хужа !
Ниндәй бөтмәҫ зәхмәт булды
Илдә нужа .
Бөгөн Ҡуштауҙы һорайҙар .
Тауҙар күп тә .
Күп тә ,
Сүп тә . Үп тә ...
Ә мин бөгөн йоҙроҡ төйҙөм .
Төйҙөм фекер .
Фекерҙәрем ябай түгел ,
Улар ЗЕКЕР .
Ҡулдар - ҡулда .Йөрәктәрҙә
Асылыбыҙ .
Ер кендеге ишектәре ,
Асылығыҙ !
Йәнем менән , тәнем менән
Һиҙәм уфтау .
Миңә өмөт менән баға
Ғорур Ҡуштау !
Олпат баҫып , ашыҡмайса
Һуҙам әләм .
Тик ҡулымда ҡылыс түгел ,
Ябай ҡәләм .
Алаһу әкбәр !
Сыҡмай торсо ясин , мулла !
Беҙҙең әләм , күр , елберҙәй !
Ҡулдар - ҡулда !
БЕРҘӘМЛЕК .
Берҙәмлекте мин бер тауҙа күрҙем .
Ташҡын ине , ярһыу яҙ төҫлө .
Әйтерһең дә , Туфан һыуы ҡалҡҡан .
Ер һелкенә , тойоп шул көстө.
Бергә тибә йөрәк . Беҙ - бер йоҙроҡ .
Беҙҙе туҡтатырлыҡ көстәр юҡ !
Бергә саҡта , беҙ - иң үткер ҡылыс .
Бергә саҡта , беҙ - иң хәтәр уҡ !
Ошо көстө тойған , башын эймәҫ .
Ошо көстө тойған , теҙләнмәҫ .
Терһәктәшен ҡурсып , күкрәк ҡуйыр ,
Артҡа сигер юлдар эҙләмәҫ .
Берҙәмлекте бына шунда күрҙем .
Хәҙер инде үҙем мин түгел .
Йәнем атлай алғы һыҙыҡтарҙа .
Ҡурсып тора барлыҡ ил күген .
Фани доньяларҙа эшем бөткәс ,
Үтер күперҙәрем булыр ҡыл .
Шул сағында Ҡуштау һүҙен әйтер :
Әйҙә үтһен . Минең улым был .
Әйҙә үтһен . Минең ҡыҙым был .
Н. Һаҡмаров .
Оставить сообщение: