Рекламный баннер 728x90px center-top
СӘЙ Үс ҡанғансы сәй эсәйек әле,
21:04
30.05.2025 16+
СӘЙ
Үс ҡанғансы сәй эсәйек әле,
Яһа, әсәй, яһа ҡатыраҡ.
Маңлайҙарҙан тирҙәр бәреп сыҡһа,
Был донъялар күпкә яҡтыраҡ.
Икәү итмәй булмаҫ, сәйхур булып
Сыҡҡан инде беҙҙең исемдәр.
Эсәйексе бер әсмуха сәйгә
Ерен һатҡан башҡорт өсөн дә.
Өсәү итәм.
Боронғонан ҡалған
"Өскә тиклем", - тигән йола бар;
Ни тиһәң дә, беҙ бит - кендектәрен
Иман әйтеп киҫкән балалар.
Сәй яңырғас, ҡабатламай хәл юҡ,
Эсә белһәң, сәй ҙә - бер аҙыҡ...
Был яғына инде һанамайыҡ,
Ризыҡ һанап эсеү - ҙур яҙыҡ.
Үс ҡанғансы сәй эсәйек әле,
Яһа, әсәй, яһа ҡатыраҡ.
Маңлайҙарҙан тирҙәр бәреп сыҡһа,
Һағыштарым күпкә яҡтыраҡ.
Мәүлит Ямалетдин
Үс ҡанғансы сәй эсәйек әле,
Яһа, әсәй, яһа ҡатыраҡ.
Маңлайҙарҙан тирҙәр бәреп сыҡһа,
Был донъялар күпкә яҡтыраҡ.
Икәү итмәй булмаҫ, сәйхур булып
Сыҡҡан инде беҙҙең исемдәр.
Эсәйексе бер әсмуха сәйгә
Ерен һатҡан башҡорт өсөн дә.
Өсәү итәм.
Боронғонан ҡалған
"Өскә тиклем", - тигән йола бар;
Ни тиһәң дә, беҙ бит - кендектәрен
Иман әйтеп киҫкән балалар.
Сәй яңырғас, ҡабатламай хәл юҡ,
Эсә белһәң, сәй ҙә - бер аҙыҡ...
Был яғына инде һанамайыҡ,
Ризыҡ һанап эсеү - ҙур яҙыҡ.
Үс ҡанғансы сәй эсәйек әле,
Яһа, әсәй, яһа ҡатыраҡ.
Маңлайҙарҙан тирҙәр бәреп сыҡһа,
Һағыштарым күпкә яҡтыраҡ.
Мәүлит Ямалетдин
Оставить сообщение: